سوال :
میرا سوال ہے کہ
مفاتیح الجنان میں ایک تسبیح لکھی ہوئی ہے کہ جسے انجام دینے سے جب تک امام زمانہ کا ہم دیدار نہ کر لیں ان کا پرنور چہرہ نہ دیکھ لیں تب تک ہم اس دنیا سے نہیں اٹھ سکتے۔
تو کیا ایسا ممکن ہے؟؟ ۔۔۔۔ اس کی وضاحت فرمائیے گا۔

جواب :

وعلیکم السلام
ایسی تسبیح والی روایت اگر مستند بھی ہو تو انسان اپنے امام کا نورانی چہرہ دیکھ سکتا ہے لیکن چونکہ نہیں پہچانے گا تو ایسا ہی ہوگا گویا دیکھا نہیں ہے۔
روایات کی رو سے اکثر مومنین امام عصر عج کا دیدار کرتے ہیں لیکن پہچانتے نہیں ہیں۔
جیسا کہ امام صادق علیہ السلام کا فرمان ہے کہ اللہ قائم( امام مہدی عج) اور لوگوں کے درمیان زمانہ غیبت میں ایسا حجاب قرار دے گا وہ امام کو دیکھیں گے لیکن پہچانے گے نہیں۔
ھاں جب ظہور فرمائیں گے تو روایات کی رو سے بہت سے لوگ کہیں گے کہ ہم نے پہلے بھی انہیں کہیں دیکھا تھا۔

استاد محترم آغا علی اصغر سیفی صاحب
عالمی مرکز مہدویت قم ایران