سوال :
سلام علیکم۔۔۔!!
میرا سوال یہ ہے کہ ہم چند لوگ گروپ کی صورت میں مل کر چاہتے ہیں کہ امام عج کے لیے کام کریں۔ لیکن ہم امام عج کے ظہور کے لیے کیا کریں جس سے ہمیں یہ لگے کہ ہم کچھ کر رہے ہیں یعنی ہمارا جمود ختم ہو ۔تو برائے مہربانی میں چاہتی کہ آپ رہنمائی فرمائیں کہ اس میں کیا باتیں سب سے پہلے رکھنی ہیں۔..؟؟ اس میٹنگ میں ہم جو بات کریں اس میں سب سے پہلا ہمارا کیا لائحہ عمل ہونا چاہیے تا کہ اسے فولو کریں اور اپنا نام بھی امام کے ناصرین میں لکھوا سکیں۔

جواب:

وعلیکم السلام
بہت بہترین پروگرام ہے اللہ تعالیٰ آپ سب کو جزائے خیر عطا فرمائے آمین

سب سے پہلا پروگرام امام زمان عج کی ضرورت معرفت پر ہو
کیونکہ معرفت باقی سب ہمارے اعمال کی اساس ہے
جس قدر معرفت امام زیادہ اور گہری ہوگی اتنا ہی عمل و اطاعت مولا بلکہ اللہ کی عبادت پرخلوص اور زیادہ ہوگی
اسی لیے ہماری احادیث میں ایک مسلمان کی جاھلیت ختم ہونے اور اس میں حقیقی دینداری پیدا ہونے کی شرط معرفت امام زمان قرار دی گئی ہے
جیسا کہ نبی کریم صلی اللہ علیہ وآلہ وسلم کا فرمان ہے:
جو شخص زمانے کے امام کی معرفت کے بغیر مرا وہ گویا جاھلیت کی موت مرا
بعض علماء یہاں جاھلیت سے مراد کفر و شرک کرتے ہیں
پس معرفت امام ہی اصل دین و دینداری کی طرف باب و دروازہ ہے
اللہ ہم سب کو حقیقی معنوں میں معرفت امام حاصل کرنے کی توفیق عطا فرمائے آمین

استاد محترم آغا علی اصغر سیفی صاحب
 عالمی مرکز مہدویت قم ایران